Türkmenistanda peýdalanmak maksady bilen Türkiýe Respublikasynyň çäginde resmileşdirilýän islendik resminamalar Türkiýe Respublikasynyň Daşary işler ministrligi tarapyndan tassyklanylmalydyr;

Fiziki şahs tarapyndan:

1. Raýat tarapyndan ýazylan arza (Ilçihananyň Konsullyk bölüminde ýazylmaly);

2. Raýatyň Türkiýe Respublikasynyň çäginde ýaşamaga bolan rugsatnamasynyň (kimlik karty) reňkli nusgasy;

3. Tassyklanjak resminamanyň reňkli nusgasy;

Ýuridiki şahs tarapyndan:

1. Şereketiň resmi kagyzynda (titul blanka) Türkmenistanyň Türkiýe Respublikasyndaky ilçihanasynyň Konsullyk bölümine ýazylan arza;

2. Şereketiň adyndan ýüz tutýan raýata şereket tarapyndan resmileşdirilen Ynanç hatynyň asyl nusgasy;

3. Şereketiň adyndan ýüz tutýan raýat tarapyndan ýazylan arza (Ilçihananyň Konsullyk bölüminde ýazylmaly);

4. Şereketiň adyndan ýüz tutýan raýatyň Türkiýe Respublikasynyň çäginde ýaşamaga bolan rugsatnamasynyň (kimlik karty) reňkli nusgasy;

5. Tassyklanjak resminamanyň reňkli nusgasy;

Gol we möhüriň hakykylygyny tassyklamak üçin konsullyk hyzmatynyň ýygymlary alynýar;

Maglumat:  Ýokarda görkezilen her bir resminamalar 1 (bir) reňkli nusgada hem-de A4 ölçegli kagyzyň ýüzünde ýerleşdirilen bolmaly.