Türkmen-Türk hyzmatdaşlygy Türkiýäniň metbugatynyň sahypalarynda

Häzirki wagtda dünýäniň syýasy ulgamynda ýakyn gatnaşyklary saklamak bilen, Türkmenistan we Türkiýe Respublikasy häzirki wagtda sebitleýin we dünýäniň gün tertibiniň möhüm meseleleri boýunça garaýyşlarynyň ýakyndygyny ýa-da gabat gelýändigini bellemeli. Şeýle hem ynsanperwer ugurda hyzmatdaşlyk dünýäde halklaryň arasyndaky özara düşünişmegi saklamak we syýasy hem-de ykdysady gatnaşyklary üçin amatly şertleri döretmek üçin möhüm gural hökmünde ykrar edildi.

Bu nukdaýnazardan, Türkmenistan bilen Türkiýe Respublikasynyň arasyndaky iki doganlyk döwletleriň arasynda özara bähbitli we deňhukukly gatnaşyklary alyp barmak ugryndaky ýokary derejeli gepleşikleri çuňlaşdyrmak, döwrüň talaplaryna täze mazmun bilen baýlaşdyrmak baradaky yzygiderli ýokarlanýan islegleriň netijesinde gazanyldy.

Bu ugurda, şu ýylyň 25-26-njy oktýabrynda Hormatly Türkmenistanyň Prezidenti Serdar Berdimuhamedowyň Türkiýä resmi sapary ýenede bir gezek tassyklady. Ankara şäherine bolan saparynyň çäklerinde, Döwlet Baştutanymyz Türkmen-Türk işewürlik forumynyň işine gatnaşdy we Türkiýäniň Prezidenti Rejep Taýyp Ärdogan bilen gepleşikleri geçirdi, ýokarda beýan edilen gepleşikleriň netijede dürli ugurlarda 13 resminama gol çekildi.

Şeýle hem Türkiýäniň “İşindetayı” atly halkara žurnalynyň bu saparyň netijeleri hem-de iki döwletiň ýolbaşçylarynyň arasynda geçirilen gepleşiklerine bagyşlan ýörite sanynyň çap edilendigini bellemeli. Bulardan başgada, Döwlet Baştutanymyzyň sapary abraýly türk neşirleri, şol sanda “Anadolu Ajansy”, “TRT Haber”, “CNN Türk”, “Pusula”, “Haber” tarapyndan giňden beýan edildi.

Şunlukda dostlukly ýurduň neşirlerinde döwletimiziň Garaşsyzlygynyň taryhy, syýasatda, ykdysadyýetde, jemgyýetde, ylymda we medeniýetde gazanylan ýokary ösüşleri barada beýan edildi. Şeýle hem Türkmenistan bilen Türkiýe Respublikasynyň arasyndaky özara bähbitli gatnaşyklaryň geljegi barada makalalar çap etdiler.

Mundan başga-da, bu neşirlerde Türkmenistanyň Prezidentiniň Türkiýä amala aşyran sapary dowamynda geçirilen gepleşikler barada giňişleýin öz beýanyny tapdy. Okyjylaryň esasy ünsi, Türkmenistan-Türkiýe işewürler forumynyň dowamynda Türkmenistanyň Prezidentiniň öňe süren başlangyçlary baradaky maglumatlar hem hödürlenýär.

Bu ýörite türk neşirleriniň çap edilmegi, ýurdumyz barada iň baý çeşmä hem-de ykdysady ösüşlerimiziň we köp asyrlyk taryhymyzy we medeniýetimizi Türkiýä Respublikasynyň barha artýan gyzyklanmasynyň ýene bir subutnamasy boldy.