Tassyklanan görnüşde, Çaganyñ dogluş hakyndaky kepilnamasynyň asyl nusgasy (Ýagny, kepilnama çaganyň doglan Hassahanasy tarapyndan berilen bolup, Türkiýe Respublikasynyň Daşary işler ministrliginde tassyklanan bolmaly. Eger-de çaga Türkiýäniň haýsydyr bir welaýatynyň çäginde doglan bolsa Hassahanadan alynan kepilnama ilki bilen welaýat häkimliginiň degişli bölüminde soňra Türkiýe Respublikasynyň Daşary işler ministrliginde tassyklanan bolmaly);

1. Çaganyň dogulanlygy hakynda Hassahasy tarapyndan alynan maglumat forumy hem-de ýerli Kaýmakamlyk/Nüfus Müdirliklerinden çaganyň dogulandygy hakynda anketasy;

2. Çaganyň ene-atasy tarapyndan ýazylan arza (Ilçihananyň Konsullyk bölüminde ýazylmaly);

3. Çaganyň ene-atasynyň Türkiýe Respublikasynyň çäginde wagtlaýyn ýaşamaga bolan rugsatnamalarynyň (kimlik karty) reňkli nusgalary;

Bellik: Eger-de raýat Türkiýe Respublikasyna täzelikde gelen bolsa, biometrik pasportynda resmileşdirilen wizanyň möhletiniň esasynda ýüz tutup biler.

4. Çaganyň ene-atasynyň biometrik pasportlarynyň 1-nji sahypalarynyň reňkli nusgalary;

5. Çaganyň ene-atasynyň Türkmenistanyň graždanynyň pasportlarynyň 1,2,3,8,9,32 sahypalarynyň reňkli nusgalary;

6. Çaganyň ene-atasynyň Dogluş hakynda şahadatnamalarynyň reňkli nusgalary;

7. Çaganyň ene-atasynyň nika baglanyşandygy hakyndaky şahadatnamasynyň reňkli nusgasy;

Bellik: Çaganyñ ejesi şol döwürde resmi nikada durmaýan bolsa, Türkmenistanyň Türkiýe Respublikasyndaky Ilçihanasynyň Konsullyk bölümine ýüz tutmak bilen Türkmenistanyň Adalat ministrliginiň degişli bölüminden Resmi nikada durmaýandygy barada Kepilnamany almaly.

Çaganyň doglan senesinden 1 (bir) ýyldan köp wagt geçen bolsa, onda şol çaganyň saglyk ýagdaýy barada degişli Hassahanadan ýa-da Saglyk ojaklaryndan kepilnama almaly (kepilnamanyň senesine 1 aýdan köp wagt geçen bolmaly däl);

Täze doglan çaganyň döwlet nama ýazgysyna ýazylmagy we oňa Dogluş hakynda şahadatnamasynyň resmileşdirilmegi üçin konsullyk hyzmatynyň ýygymlary alynýar;

Maglumat: Ýokarda görkezilen her bir resminamalar 3 (üç) reňkli nusgada hem-de A4 ölçegli kagyzyň ýüzünde ýerleşdirilen bolmaly.