Türkmenistanyň raýatlarynyň Türkmenistanyň Türkiýe Respublikasyndaky Ilçihanasynyň Konsullyk bölüminde resmi nikadan geçmekleri üçin birinji nobatda Konsullyk bölümine ýüz tutup resmi nikadan geçmegi meýilleşdirýän raýatlaryň Türkmenistanyň Adalat ministrliginiň degişli bölüminden Resmi nikada durmaýandyklary barada Kepilnamany almaly;

1. Raýatlar tarapyndan ýazylan bilelikdäki arzalar (Ilçihananyň Konsullyk bölüminde ýazylmaly);

2. Raýatlaryň Türkiýe Respublikasynyň çäginde wagtlaýyn ýaşamaga bolan rugsatnamalarynyň (kimlik karty) reňkli nusgalary;

Bellik: Eger-de raýat Türkiýe Respublikasyna täzelikde gelen bolsa, biometrik pasportynda resmileşdirilen wizanyň möhletiniň esasynda ýüz tutup biler.

3. Raýatlaryň biometrik pasportlarynyň 1-nji sahypalarynyň reňkli nusgalary;

4. Raýatlaryň Türkmenistanyň graždanynyň pasportlarynyň 1,2,3,8,9,32 sahypalarynyň reňkli nusgalary;

5. Raýatlaryň Dogluş hakynda şahadatnamalarynyň reňkli nusgalary;

Türkmenistanyň raýatlary resmi nikadan geçmek üçin ýazan bilelikdäki arzalaryndaky seneden başlap 1 (bir) aý möhlet geçenden soňra Türkmenistanyň Türkiýe Respublikasynyň Ilçihanasynyň Konsullyk bölümi tarapyndan resmileşdiriler;

Resmi nikadan geçmek üçin konsullyk hyzmatynyň ýygymlary alynýar;

Maglumat: Ýokarda görkezilen her bir resminamalar 3 (üç) reňkli nusgada hem-de A4 ölçegli kagyzyň ýüzünde ýerleşdirilen bolmaly.